Kederler kalb-i uşşâkı

Kederler kalb-i uşşâkı
Nice bir bî-huzûr ede
Safâ cânın sun ey sâkî
Gönül kesb-i sürûr ede

Güneşden nûr alıp zerre
Ola kim bahr ola katre
Gidip usr er ile yüsre
Hudâ zulmâtı nûr ede

Vücûdun eyleyen ifnâ
Demişdir Rabbîye'1-a'lâ
Kusûra bakma ey Mevlâ
Ademden ne sudûr ede

Geçilse vâdî-i mihnet
Açılsa âlem-i râhat
Tamâm olup şeb-i firkat
Safâ subhu zuhûr ede

Kişi matlûbunu bulsa
Derûnu zevk ile dolsa
Kula Hak'dan kerem olsa
Revâ mıdır gurûr ede