Gönül verme sivâya âkil isen

Gönül verme sivâya âkil isen
Gel Allah'a murâdın hâsıl olsun
Hakk'ı iste eğer ehl-i dil isen
Gel Allah'a safâlar hâsıl olsun

Halâs olmak dilersen derd ü gamdan
Esîr-i sûret olma geç sanemden
Vücûda er ne istersin ademden
Gel Allah'a murâdın hâsıl olsun

Sakın aldanma bu fâni na'îme
Sivâdan geç eriş Rabb-ı Rahîm'e
Hüdâyî himmet et zevk-i azîme
Gel Allah'a murâdın hâsıl olsun