Fenâ bulup hayât alam şu dem kim aşk-ı yârimden

Fenâ bulup hayât alam şu dem kim aşk-ı yârimden
Mahabbet isteyen gelsin haber sorsun mezârımdan

Nesîm-i rûh-ı Rahmân'dan nefes ererse ger câna
Bahâristân ola âlem safâ-yı nev-bahârımdan

Fenâ-ender-fenâ buldu vücûdum mülkü ser-tâ-ser
Görünür bir beden kaldı hemân ancak hisârımdan

Geçip dünyâ vü ukbâyı erem vahdet sarâyına
Fakîre ger kerem ere Ganî Perverdigâr'ımdan

Cenâb-ı pâkine lâyık Hüdâyî'nin nesi ola
Meğer kim armağan iltem kemâl-i iftikârımdan