Ey bu gönlüm şehrini bin lutf ile âbâd eden

Ey bu gönlüm şehrini bin lutf ile âbâd eden
On sekiz bin âlemi bir emr ile îcâd eden

Zât-ı bî-çûnun mekânlardan münezzehdir senin
Pes seni ya kande bulsun ağlayıp feryâd eden

Kasr-ı kurba irgürüp ihsâna mazhar olmağa
Âşıka varlık cibâlin kesdirip Ferhâd eden

Kimseye ölmezden ön göstermeyip dîdârını
İrgürüp bâkî hayâta lîk sonra şâd eden

Sen inâyet sen hidâyet kıl Hüdâyî bendene
Çün ki sensin her murâda irgürüp irşâd eden